2024 March 29
ایرانی عوام کی اہواز میں دہشتگردانہ حملے کے شہداء کی تشییع جنازہ میں بے نظیر شرکت + تصاویر
مندرجات: ١٧٥٧ تاریخ اشاعت: ٢٥ September ٢٠١٨ - ١٩:٣٤ مشاہدات: 2041
خبریں » پبلک
ایرانی عوام کی اہواز میں دہشتگردانہ حملے کے شہداء کی تشییع جنازہ میں بے نظیر شرکت + تصاویر

اسلامی جمہوریہ ایران کے صوبہ خوزستان کے صدر مقام اہواز میں دہشت گردانہ حملے کے شہداء کی تشییع جنازہ میں عوام نے بے مثال شرکت کرکے واضح کردیا ہے کہ وہ امریکہ اور خطے میں اس کے حامی عربوں کے شوم منصوبوں کو ناکام بنانے کے لئے پرعزم ہیں۔

 

اہل بیت (ع) نیوز ایجنسی ۔ ابنا ۔ کی رپورٹ کے مطابق اہواز میں آج 24 شہیدوں کی تشییع جنازہ میں لاکھوں افراد کے علاوہ ایران کے اعلی سول اور فوجی حکام نے شرکت کی ۔ 
شہیدوں کی تشییع جنازہ میں عوام کی بھر پور اور وسیع پیمانے پر شرکت اس بات کا مظہر ہے کہ خطے میں امریکہ اور اس کے اذناب کی گھناؤنی سازشوں کو ناکام بنانے کے لئے ایرانی عوام اور حکام پرعزم ہیں۔ ایرانی سپاہ پاسداران انقلاب اسلامی کے ڈپٹی کمانڈر جنرل سلامی کا کہنا ہے کہ ہمیں اہواز میں دہشت گردانہ حملے کی منصوبہ بندی کے مرکز کا اچھی طرح علم ہے اور ہمارا جواب بھی دہشت گردوں اور ان کے حامیوں کو دنداں شکن ہوگا۔ انھوں نے کہا کہ امریکہ اور اس کے اتحادی عرب مالک نے ایران میں عدم استحکام پیدا کرنے اور ایران کے خلاف شرارت جاری رکھنے کا منصوبہ بنا رکھا ہے ۔ 
انھوں نے کہا کہ امریکہ نواز عرب حکام کو آٹھ سالہ مسلط کردہ جنگ سے عبرت حاصل کرنی چاہیے اور ایران کے خلاف امریکی سازشون کا حصہ نہیں بننا چاہیے۔ انھوں نے کہا کہ ہم ایرانی عوام کا ہر لحاظ سے دفاع کرنے کے لئے آمادہ ہیں ۔

 
 
 
 
 
 
 
 
 
 
 
 
 
 
 
 
 
 
 
 
 
 




Share
* نام:
* ایمیل:
* رائے کا متن :
* سیکورٹی کوڈ:
  

آخری مندرجات